Шанхай кызматташтык уюмуна мүчө мамлекеттердин өкмөт башчыларынын Бишкекте өтүп жаткан жыйынында он бир документке кол коюлду. Алардын арасында ШКУнун өнүгүү банкын жана фондун түзүү боюнча аракеттер, жолдорду жакшыртуу маселеси камтылган документтер да бар. Бүгүнкү жыйында уюмдун курамындагы өлкөлөрдүн экономика, илимий техника багытындагы кызматташтыгы, ШКУнун ишмердиги, каржы маселелери талкууланды. Мындан тышкары саммитин жыйынтыгы боюнча биргелешкен коммюнике кабыл алынды.
Уюмга Кыргызстан, Кытай, Өзбекстан, Орусия, Казакстан жана Тажикстан кирет. ШКУ 2001-жылы түзүлгөн. (NT)
