АКШда республикачылардын талапкери Дональд Трамп демократтардын талапкери Хиллари Клинтондон озуп чыкканы каржы базарындагы жана доллардын курсундагы өзгөрүүлөргө себеп болду.
Токиодогу баалуу кагаздар рыногу жарым күндө 5%, Гонконгдогу биржалардын көрсөткүчү 3,3%, Сеулдуку 2,8% төмөндөдү.
АКШ долларынын евро баштаган башка валюталарга карата курсу тез өзгөрүп жатат. Мунай баасы 4 пайызга төмөндөп, бир баррели 43,17 долларды түздү.
