Түркиянын президенти Режеп Тайып Эрдоган 11-ноябрда Беларуска келип, мамлекет башчысы Александр Лукашкенко менен жолукту. Ал ошондой эле бүгүн баш калаа Минсктеги мечиттин ачылышына катышат. Эки президент мамлекттер ортосундагы соода-экономикалык байланыш жана эки тараптуу бизнес-форумга катышуу тууралуу сүйлөшүштү.
Жаңы мечиттин курулушун жарым-жартылай Анкара каржылаган. Ал Минскте мурда Совет маалда коммунистер тарабынан кыйратылган эски мечиттин ордуна тургузулду.
Тогуз жарым миллион калкы бар Белоруста 20 миңдей мусулман жашайт. Эрдоган Белоруска расмий сапар менен келген алгачкы Түркия президенти.
