Румынияда бүгүн өтүп жаткан парламенттик шайлоого 11 партия жана кыймылдар катышууда. Негизги атаандаштар - өткөн шайлоодо жеңишке жеткен Социал-демократтар жана Улуттук-либерал партиялар экени айтылып жатат.
Социал-демократтар консервативдик көз караштагылар арасында популярдуу саналган улуттук баалуулуктарды алга сүрөө, Улуттук-либералдар Румыния менен Молдованы бириктирүү сунушу менен чыгууда.
Бул өлкөдө парламент төрт жылга шайланат.
Учурда Румынияны 2015-жылы премьер-министр Виктор Понта отставкага кеткенден кийин түзүлгөн партиясыз техникалык өкмөт башкарууда. Былтыр Бухаресттеги түнкү клубда 64 кишинин өмүрүн алган өрттөн кийин чыккан жапырт нааразылыктан соң өкмөт кызматтан кеткен. (SE)
