Ишембиде жанар тоодон эки жолу лава атылып, андан чыккан күл жана түтүн бир нече чакырымдык бийиктикке көтөрүлдү. Учурда лава улам күчөп атылып жатат.
Бул - Мексикадагы активдүү жанар тооолордун бири. Колима жана Халиско штаттарынын ортосунда жайгашкан 3800 метрлик жанар тоо – Тынч океанындагы сейсмологиялык активдүү тилкеде жайгашкан. Дал ушул тилкеге Жер планетасындагы эң көп жер титирөө жана вулкандар туура келет. Мексикада 3 миңдей жанар тоо бар, алардын 14ү активдүү жанар тоолордун катарына кирет.
