Линктер

ЧУКУЛ КАБАР!
17-Октябрь, 2021 жекшемби, Бишкек убактысы 09:40

Сузак: шайлоо операторлору аз акча алдык деп нааразы болууда


11-декабрда өткөн жергиликтүү кеңештерге шайлоо жана референдум маалында райондогу добушканаларда иштеген операторлор келишим боюнча түзүлгөн акчаны толук албай калганын "Азаттык" радиосуна билдиришти. Алардын айтуусунда, эмгек акы катары 4700-4800 сом берилген, бирок келишимге 5087 сом берилет деген кол коюлган.

Мамлекеттик каттоо кызматынын Сузак районундагы өкүлү Түгөй Чикиев бардык операторлордун тизмесин жана алардын акчасын акимчиликтин эсеп бөлүмүнө которуп бергенин, операторлордун нааразылыгын тактай турганын кабарлады.

Мамлекеттик каттоо кызматы шайлоо учурунда иштеген ар бир операторго 6200 сом чегерген. Ал сумма салыктарды эсепке алганда 5087 сомду түзөт. Шайлоо жана референдум учурунда Кыргызстан боюнча 2 миң 381 шайлоо участкасында 9 миң оператор иштеди. Буга чейин Бишкекте оператор болуп иштеген айрым жарандар мурда убада берилгенден аз акча алып калганын айтышкан. (RsK/NT)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG