Бул тууралу “Азаттыкка” Анталиядагы кыргызстандыктар кабарлашты. Ооруканага оор абалда түшкөн кыз Токтогулдан экени белгилүү болгон. 21 жаштагы кызды ата-энеси жана Орусиядагы эжеси сүрөттөн таанышкан. Ал кыз алгач Орусияда иштеп жүрүп, кийин Түркияга кеткен. Учурда ата-энеси Түркияга учуп кетүүгө даярдыгын билдирген. Түрк полиция кызматы окуя боюнча тергөө жүргүзүүдө.
Эки күн мурун кыргызга түспөлдөш кыз оор абалда Анталия шаардык ооруканасына түшкөн. Эс-учу жок жаткан кызды Анталиядагы тоолуу аймактан табышкан. Аны ур-токмокко алып, машинадан ыргытып жиберишкен деген божомол бар. Бирок жанында эч бир документи жоктугунан тек-жайы аныкталбай жаткан.(EIB)
