Бул тууралуу Финансы министрлигинен кабарлашты. Маалыматка ылайык, республикалык бюджеттин ачык-айкындуулук индексин жогорулатуу боюнча атайын жумушчу топ түзүлдү. Анын курамына өкмөттүк мекемелер, жарандык коомдун өкүлдөрү кирди.
Аталган топ 15-февралга чейин бюджеттин ачык-айкындуулук индексин жогорулатуу боюнча иш-чаралардын планын иштеп чыгат жана жер-жерлерде коомдук угууларды уюштурушу керек.
Эл аралык Бюджеттик өнөктөштүк уюму Кыргызстанды бюджет тууралуу чектелген маалымат берген өлкөлөрдүн катарына кошкон.(BkA)
