Линктер

ЧУКУЛ КАБАР!
22-Октябрь, 2021 жума, Бишкек убактысы 14:56

Казакстандын мурдагы экономика министри кармалды


Казакстандын мурдагы экономика министри Куандык Бишимбаев.

Казакстандын мурдагы улуттук экономика министри Куандык Бишимбаев пара алган деген шек менен кармалды. Жергиликтүү маалымат каражаттары Коррупцияга каршы күрөшүү улуттук агенттигине шилтеме кылып жазгандай, ал Астананын Ички иштер департаментинин убактылуу кармоочу жайына камалды.

Кабарларга караганда, экс-министр бир нече ирет ири көлөмдөгү пара алган деп шектелүүдө.

37 жаштагы Бишимбаев бир ай мурда кызматынан алынган. Казакстандын президенти Нурсултан Назарбаев Ички иштер министрлигинин жетекчилиги менен жолугуп жатып Бишимбаев “Байтерек” холдингиндеги ишмердүүлүгүнө байланыштуу кызматтан алынганын билдирген.

"Байтерек” улуттук холдингине караштуу “Байтерек DEVELOPMENT" компаниясынын жетекчилигине карата сотко чейинки антикоррупциялык иликтөө 2016-жылдын ноябрь айында башталган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG