Линктер

ЧУКУЛ КАБАР!
28-Октябрь, 2021 бейшемби, Бишкек убактысы 19:19

Өлгөндөрдү мазактаган Дооталиева суракка алынат


Медакадемия.

“Манас” аэропортуна жакын жердеги авиакырсыкта набыт кеткендерди мазактап, Фейсбукка билдирүү жазган аял Бишкектеги Медициналык академиянын кызматкери Таттыгүл Дооталиева экени аныкталды. Окуу жайдын басма сөз катчысы Абибилла Пазылов билдиргендей, коомдогу нааразылыктардан улам ректор чакырып, түшүндүрмө алды.

-Дооталиева ыйлап жатат. Жетекчилик ага тийиштүү жаза колдонот,- деди Пазылов.

Улуттук коопсуздук мамлекеттик комитети Таттыгүл Дооталиеванын Фейсбуктагы билдирүүсү териштирилерин маалымдаган. Анын жазган пикириндеги аймактар аралык жана улуттар аралык кастыкты козутуу мүнөзүн аныктоо атайын экспертизада такталат.

16-январдагы апааттан соң Фейсбуктагы Таттыгүл Дооталиева аттуу колдонуучу мерт кеткендер өлкөнүн түштүк аймагынан болорун айтып, “өздөрүнөн көрсүн” деген өңүттө пикир калтырган.

Апаат кырк чамалуу адамдын өмүрүн кыйды. (SE)

Пикирлерди көрүңүз (214)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG