Нааразылык акциясы Пакистандын Лахор шаарында 13-февралда болгон. Андагы жардыруудан 13 киши набыт кетип, ондогон адамдар жарадар болгон. Каза тапкандардын бешөө полиция кызматкери.
Жүздөгөн дарыгерлер дары сатуудагы жаңы мыйзамга каршылык билдирүүгө чогулушкан. Полиция менен нааразылык акциясына чыккандар сүйлөшүп жаткан учурда жанкечти бомба жардырган. Пенжаб полициясы окуяны теракт деп атады. Жарадар болгон 58 кишинин ичинен тогузу оор абалда экени айтылды. Канабайрамдын жоопкерчилигин Пакистан талиптери менен байланышкан Жамаат-ур-Ахрар тобу өзүнө алды. (AiT)
