Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 13:52

Депутат Шыкмаматов УКМКда сурак берүүдө


Алмамбет Шыкмаматов.

Жогорку Кеңештин “Ата Мекен” фракциясынан депутат Алмамбет Шыкмаматов Улуттук коопсуздук мамлекеттик комитетинде сурак берүүдө. Ал адвокаты менен жарым саат мурун атайын кызматтын имаратына кирген.

Башкы прокуратура Шыкмаматовго 2011-жылы Эсептөө палатасынын аудитору болуп турганда кызматтык автоунаа сатып алуу үчүн "жасалма тендер өткөрүүгө аралашкан, кызмат абалынан кыянаттык менен пайдаланган" деген негизде 17-февралда кылмыш ишин козгогон. Ишти Улуттук коопсуздук мамлекеттик комитети тергеп жатат.

Шыкмаматов 24-февралда да УКМКда он сааттан ашык сурак берген эле.

Учурда “Ала-Тоо” аянтында Шыкмаматовдун партиялашы Өмүрбек Текебаевдин тарапкерлери митинг өткөрүүдө. Алар депутаттын камактан бошотулушун талап кылышууда.(BkA/UEz)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG