Ооганстандын борбору Кабулдун батыш тарабында катуу жардыруу болуп, андан көп өтпөй коопсуздук күчтөрү менен белгисиз сандагы куралчан адамдар атыша кетишти. Полициянын өкүлү атышуу аскердик машыгуу мектебинин жанында болгонун тастыктады. Азырынча жабыркагандар тууралуу так маалымат жок.
Кеминде эки куралчан киши мектепке жана полициянын имаратына ок чыгарганы кабарланды. Талиптер Кабулдун үч аймагына чабуул коюшканын, жабыркаган адамдардын саны көп экенин билдирип чыкты.
