Талапкер Эммануэл Макрон Париждеги айыл чарба көргөзмөсүнө барган жерде ага карай жумуртка ыргытышкан. Телеканалдардан көрсөтүлгөн кадрлардан ыргытылган жумурткалардын бири Макрондун маңдайына келип тийгенин көрүүгө болот. Эммануэл Макрон окуяны “Францияда болуп келген саясий турмуштун бир бөлүгү” деп атады. Анын сөзү боюнча, айрым маселелер боюнча пикир келишпестик болгон жерде кимдир-бирөө сөзсүз жумуртка ыргытат.
Эммануэл Макронго өткөн жылы жайында да Париждин четиндеги шаарчада жумуртка ыргытышкан.
