Кыргызстанда "Бир момунга бир дарак" өнөктүгү жүрүүдө. Аны Муфтияттын буйругунун негизинде облустук казыяттар уюштуруп жатат.
Акция алкагында мектептердин, социалдык мекемелердин жана коомдук жайлардын короолоруна көчөт эгилет.
Кыргызстан мусулмандар дин башкармалыгынын басма сөз кызматы билдиргендей, муфтият менен "Ыйман" фонду демилгелеген өнөктүк боюнча, казыяттар көчөт отургузуу жадыбалын даярдашкан.
Өнөктүккө каалоочулардын баары катышат. Ар ким өзү бирден көчөт алып келүүгө тийиш. (SE)
