Жогорку Сотто бүгүн парламенттеги "Ата Мекен" фракциясынын лидери, депутат Өмүрбек Текебаевдин баш коргоо чарасы каралат. Бул тууралуу Жогорку Соттун басма сөз кызматынан билдиришти.
Буга байланыштуу Бишкектеги эски аянтта Текебаевди колдоо митинги өткөрүлө турганын "Сөз эркиндигин коргоо комитети" бейөкмөт уюмунун төрагасы Адил Турдукулов маалымдады.
Өмүрбек Текебаев 2010-жылы орус жаранынан миллион доллар алган деген шек менен 26-февралда УКМКнын тергөө абагына эки айга камалган. Анын камалышына байланыштуу тарапкерлери буга чейин Бишкекте жана Базар-Коргондо нааразылык акцияга чыгышкан. (NT)
