Президент Алмазбек Атамбаев 1-апрелде Орусиянын муфтийлер кеңешинин төрагасы Равил Гайнутдинди кабыл алды.
Жолугушууда Кыргызстан-Орусия мусулмандар иш башкармалыктарынын кызматташуусу тууралуу сөз болду.
Тараптар аймактагы жана дүйнөдөгү диний кырдаал, диндер аралык ынтымакты бекемдөөдөгү исламдын ордун да талкуулашты. Диний экстремизмдин жана радикалдык коркунучтардын алдын алуу үчүн эки өлкөнүн муфтияттары активдүү иштөөсү маанилүү экенин баса белгилешти.
Бул тууралуу президенттик аппараттан маалымдашты.
Орусиянын Муфтийлер Кеңешинин төрагасы Равил Гайнутдин бүгүн Бишкектеги "Махмуд Кашгари" атындагы мечиттин ачылышына катышууда.(ZKo)
