Алдын ала маалыматтар боюнча Москвадагы темир жол кырсыгынан жаракат алгандардын арасында кыргызстандыктар жок.
Бул тууралуу Кыргызстандын Орусиядагы элчилигинин басма сөз катчысы Гүлбарчын Байымбетова "Азаттык" радиосуна билдирди.
8-апрелдин кечинде "Москва-Брест" багытындагы жүргүнчүлөр поезди менен электр поезди кагылышкан. Андан 50гө жакын адам жаракат алды. Жүргүнчү поездинде жалпы 455 адам болгон.
