Линктер

шаршемби, 28-июнь, 2017 Бишкек убактысы 01:23

Путин Тиллерсон менен Лавровду кабыл алды


Тиллерсон менен Лавров 12-апрелдеги жолугушууда.

Орусия президенти Владимир Путин Тиллерсон менен Лавровду кабыл алды. Бул тууралуу президенттин маалымат катчысы Дмитрий Песков билдирди.

АКШ мамлекеттик катчысы Рекс Тиллерсон Сирия жаңжалын жөнгө салуу үчүн сүйлөшүүлөрдү өткөргөнү 11-апрелде Москвага келген. Ал 12-апрелде орус тышкы иштер министри Сергей Лавров менен жолугушуп, сүйлөштү. Путин менен кезигери мурда белгиленген эмес.

Тиллерсон Трамптын администрациясындагы Москвага келген алгачкы эң жогорку аткаминер.

Жолугушуу Сирия жаңжалына байланыштуу АКШ-Орусия мамилеси кайрадан чыңалган учурда өтүүдө. 12-апрелде түшкө чейин Путин Трамп бийликке келгени эки өлкө мамилеси начарлап, "аскердик деңгээлге" түштү деп баалаган.

Трамп болсо 12-апрелде "Фокс" телеканалына берген маегинде Путин Асадга көмөк көрсөтүп, элине химиялык курал колдонгон карасанатай менен кызматташып атат деген эле. Тиллерсон Кремлди Асадды колдоодон баш тартууга көндүрүүгө келгени кабарланган.

Facebook шеринеси

XS
SM
MD
LG