Бишкектеги «Альфа-секьюрити» күзөт агенттигинин курал кампасынан "Сайга" үлгүсүндөгү 9 карабин мылтыкты, 10 "Макарыч" тапанчасын белгисиз кишилер уурдап кетишкен.
Шаардык ички иштер башкармалыгынын басма сөз катчысы Адыл Оморовдун "Азаттык" радиосуна билдиришинче, милицияга курал-жарак жоголгону тууралуу маалымат 27-апрелге караган түнү түшкөн.
Ыкчам-тергөө тобу кампага барганда куралдардын жоголгону жана аны алгандар терезе аркылуу киргени аныкталган. Алар ок-дарыга тийген эмес.
Азыр курал уурдагандарга издөө жарыяланып, иликтөө уланууда. (NT)
Facebook шеринеси