Линктер

ЧУКУЛ КАБАР!
24-Октябрь, 2021 жекшемби, Бишкек убактысы 16:36

Ливияда Муаммар Каддафинин баласы эркиндикке чыкты


Сейф ал-Ислам Каддафи

Ливиянын мурдагы лидери, 2011-жылы бийликтен кулатылган Муаммар Каддафинин баласы Сейф ал-Ислам Каддафи эркиндикке чыкты. Ал алты жылдан бери Зинтан шаарындагы абакта отурган.

Сейф ал-Ислам Каддафини кармап турган куралдуу топ аны өлүм жазасына кескен Триполи сотунун чечимин тааныган эмес жана Сейф ал-Исламды расмий бийликтерге өткөрүп берүүдөн баш тарткан.

Каддафинин юристтеринин жана "Абу Бакр Сыддык" тобунун өкүлдөрүнүн билдирүүсүнө караганда, Сейф ал-Ислам өлкөнүн чыгышында жайгашкан Тобрук шаарындагы парламент кабыл алган мунапыс мыйзамына ылайык бошотулган.

Бул парламент борбор шаар - Триполидеги Ливиянын эл аралык коомчулук тааныган бийлигине баш ийбейт. Триполи иш жүзүндө өлкөнүн чыгыш бөлүгүн көзөмөлдөбөйт.

Сейф ал-Ислам атасынын жактоочуларынын бири болгон. Эл аралык Гаага сотунда ал 2011-жылдагы жарандык согуш учурундагы кылмыштар үчүн айыпталган.

Муаммар Каддафинин баласы азыр кайда экени белгисиз. Айрым маалыматтарда ал Ливиянын түндүк-чыгышындагы Эл-Байда шаарына жөнөп кеткен.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG