Линктер

ЧУКУЛ КАБАР!
17-Октябрь, 2021 жекшемби, Бишкек убактысы 21:56

Активисттер президенттин Жээнбеков боюнча айткандарын үгүт катары баалашууда


Президент Алмазбек Атамбаев менен премьер-министр Сооронбай Жээнбеков.

Кыргызстандагы жарандык коомдун өкүлдөрү президент Алмазбек Атамбаевдин премьер-министр Сооронбай Жээнбеков боюнча айткандарын үгүт катары баалашууда. Алар БШКга бул боюнча атайын кайрылышат. Бул тууралуу "Конституциялык кеңешме үчүн" кыймылынын аткаруучу директору, жарандык активист Рита Карасартова "Азаттык" радиосуна билдирди:

- Бул жерде мыйзам бузуу так бар. Шайлоо жөнүндөгү мыйзам боюнча үгүт иштери 10-сентябрда башталат. Үгүттөгөнгө бүгүн эч кимдин укугу жок. Президенттин оозунан үгүт болуп, үгүт азыртан башталып атат. Болгондо да мөөнөтү бүтүп жаткан президенттин оозунан деп, биз Борбордук шайлоо комиссиясына кайрылабыз.

Ал эми БШК төрайымынын орун басары Абдыжапар Бекматов президенттин айткандарында мыйзам бузуу жоктугун белгиледи:

- Мамлекет башчы, саясий кызматтагы кишилер. Азыр бирөөнү буга добуш бергиле деп үгүттөбөгөндөн кийин ал үгүткө жатпайт.

Атамбаев Орусияга болгон беш күндүк мамлекеттик сапарынын жүрүшүндө 24-июнда Татарстанда журналисттердин суроолоруна жооп берип жатып премьер-министр Сооронбай Жээнбековду алдыдагы президенттик шайлоо үчүн мыкты талапкер деп атаган.

Атамбаев: Жээнбеков президенттикке татыктуу
please wait

No media source currently available

0:00 0:01:35 0:00

Кыргызстан социал-демократтар партиясынын саясий кеңеши 17-майда президенттик шайлоодо премьер-министр Сооронбай Жээнбековду сүрөй турганын жарыялашкан.​ Партия мүчөлөрүндө талапкерге байланышкан ич ара келишпестик бар экени айтылып жүрөт.​ Аталган партиянын 15-июлдагы курултайында талапкер расмий көрсөтүлөт. (NT) ​

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG