Линктер

ЧУКУЛ КАБАР!
24-Октябрь, 2021 жекшемби, Бишкек убактысы 00:50

“Ыйык Курандын эзотерикалык маселелери” китеби жарык көрдү


Темиралы Кунашев.

Кыргызстандык окумуштуу Темиралы Кунашевдин “Ыйык Курандын эзотерикалык маселелери” аттуу китеби басылып чыкты. Автор орус тилинде жарык көргөн китеп Мамлекеттик тил боюнча улуттук комиссия тарабынан каржыланганын билдирди. Иликтөөгө автор отуз жылга чукул убакыт сарптаганын айтты.

Ал беш жүз беттен турган көлөмдүү эмгегинде Куранда айтылган аяттарды бүгүнкү күндө илимде жалпы адамзатка белгилүү болгон тарыхый, астрономиялык, архитектуралык, космостук ачылыштарга салыштырган. Таланттуу музыкант жана гитарчы Темиралы Кунашев дин темасына бала кезинен кызыгып, өткөн кылымдын 87-жылдары Бишкектеги Илимдер Академиясынын кол жазмалар фондунда иштеп жүргөндө бул багытта алгачкы илимий монографиясын чыгарган.

Музыкант катары Кунашев Атай Огонбаевдин “Эсимде” ырынан баштап Рысбай Абдыкадыровдун, Түгөлбай Казаковдун обондорун, кыргыз күүлөрүн гитарага түшүрүп, Түркия, Eвропа угармандарына жеткирген. Кинорежиссер Эрнест Абдыжапаров Темиралы Кунашевдин өнөрү тууралуу "Алигамбра" деп аталган даректүү фильм жаратып, тасма Евразиянын кинофестивалынын сыйлыгын жеңип алган. (ZA)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG