Линктер

ЧУКУЛ КАБАР!
21-Октябрь, 2021 бейшемби, Бишкек убактысы 15:03

G-20: Украинадагы абал талкууланды


“Чоң жыйырманын” саммити, Гамбург

Орусия, Франция жана Германиянын лидерлери Гамбургда өтүп жаткан “Чоң жыйырманын” саммитинин алкагында жолугушту. Владимир Путин, Эммануэл Макрон жана Ангела Меркелдин сүйлөшүүсүнүн башкы темасы Украинанын чыгышындагы абалды жөнгө салууга арналды.

Германия тарап, үч өлкө лидери Донбасстагы ок атууну токтотуунун маанилүү экенин белгилегенин кабарлады.

Орус президентинин маалымат катчысы Дмитрий Песковдун билдиришинче, Минск келишиминин аткарылбай жатканына тынчсыздануу айтылып, тараптар бул жаатта ишин улантары белгилүү болду.

Үч өлкө жетекчилери жакын арада Украинанын президенти Петро Порошенконун катышуусу менен “нормандиялык форматта” телефон аркылуу маселени талкуулоону макулдашты.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG