Линктер

бейшемби, 13-декабрь, 2018 Бишкек убактысы 07:26

Атамбаев жол кырсыктарын азайтуу маселесин көтөрдү


Алмазбек Атамбаев Коопсуздук кеңешинин жыйынында.

Кыргызстандын Коопсуздук кеңешинин кезектеги жыйынында жол коопсуздугу жана анын кесепеттерине арналган маселе көтөрүлдү. Президент Алмазбек Атамбаевдин төрагалыгындагы жыйын бүгүн "Ала Арча" мамлекеттик резиденциясында өттү.

Мамлекет башчысы соңку кездери жол кырсыгы көбөйүп, балдардын да өмүрү кыйылып жаткан учурларды мисалга тартты. Атамбаев маселеге олуттуу көңүл бурууга чакырып, жол коопсуздугун жөнгө салууга каражат табуу зарылдыгын, арак ичип унаа башкаргандарды жазалоону күчөтүү керектигин белгиледи.

Жыйын катышуучулары айдоочулукка окуткан мектептердин ишмердигин текшерип, жөнгө салууну сунушташты.

Кыргызстанда бир жылда жол кырсыгынан өлгөндөр миңден ашып жатканы расмий маалымдалган.

Расмий маалыматтарга караганда, 2016-жылы Кыргызстанда 6 миңге чукул жол кырсыгы катталып, андан 900дөн ашуун адам каза тапкан. Тогуз миңге жакыны ар кандай деңгээлде жаракат алган.

Сиздин пикир

пикирлерди көрсөт

XS
SM
MD
LG