Учурда Москванын борборунда бир нече миң адам чогулду. Алар Роскомнадзордун жетекчиси Александр Жаровдун кызматтан кетишин талап кылышууда. Акция мэрия менен макулдашылган.
Активисттер бийликтин интернетке чектөөлөрдү киргизгенине нааразы болушууда. Уюштуруучулардын айтымында, акциянын максаты интернеттеги цензураны жана социалдык тармактардагы “репост, лайк” үчүн козголгон кылмыш иштерди токтотууга чакыруу.
Ушундай эле акция 16 июлда Санкт-Петербург шаарында дагы өткөн. Freedom House укук коргоо уюмунун баяндамасына ылайык, Орусия дүйнөдө “интернет чектелген” 20 өлкөнүн катарына кирет.
Мамлекеттик Дума каникул алдында Орусия аймагында интернет колдонуучуларга бир нече чектөөлөрдү киргизген мыйзам кабыл алган.
