Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 19:01

Жемкорлукка айыпталган айыл өкмөт башчысы жана жер адиси иштен кетти


Талас облусунун Кара-Буура районунун Аманбаев айыл өкмөтүнүн башчысы Мээрбек Орозбаев менен ушул эле айылдын жер адиси Таалай Мамадияров кызматтан кетти. Айыл өкмөттөн билдиришкендей, алар өз эрки менен иштен кетүү тууралуу арызын жазышкан. Буга чейин Аманбаев айылдык кеңешинин депутаты Тилек Өскөнбаев айыл өкмөт башчысы менен жер адиси убактылуу пайдаланууга бериле турган жерлерди бөлүштүрүүдө "мыйзамсыз иш-аракеттерди жасаган, бирок укук коргоо органдары эч кандай чара көрбөй жатат" деп аларды жемкорлукка айыптаган.

Бирок айыл өкмөт башчысы Мээрбек Орозбаев депутаттын дооматтарын четке кагып, жерлер мыйзам чегинде бөлүштүрүлгөнүн айткан.

Бул окуя боюнча облустук прокуратуранын жетекчи орун басары Сүйүнбек Сатыбалдиев иш териштирилип жатканын билдирген болчу.

Ал эми айылдык кенештин депутаты Тилек Өскөнбаев анын айыптоосу боюнча тергөө бүгүн башталганын кошумчалады. (AlS)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG