"Чоң казат" саясий партиясы президенттик кызматка талапкер катары Турат Акимовду, «Кыргызстан» саясий партиясынын Канат Исаевди көрсөтүү тууралуу чечимдерин Борбордук шайлоо комиссиясына тапшырды. Ошондой эле 61 жаштагы М.Айманбаев менен Бишкек шаарынын биринчи вице-мэри Эрнис Зарлыков өзүн өзү көрсөтүү жолу менен шайлоого катышуу жөнүндө арыз беришти.
28-июлга карата алдыдагы саясий жарышка аттануу ниетин билдирип, БШКга кайрылгандардын саны 46га жетти. Анын отуз беши өзүн өзү көрсөткөн, калганын саясий партиялар сунуштаган.
Кыргызстанда президенттик шайлоо быйыл 15-октябрда өтөт. (NT)
