Кыргызстандык шайлоочулар 16-августтан 30-сентябрга чейин өздөрүн тизмеден такташы керек. Бул тууралуу БШКдан кабарлашты. Тизмеде жоктор 15-октябрдагы президенттик шайлоодо добуш бере албайт. Жарандар тизмени шайлоо участкаларынан же БШКнын интернет сайтынан (http://shailoo.gov.kg/kg/ жана http://shailoo.gov.kg/ru/) текшерсе болот.
Мамлекеттик каттоо кызматы тактаган алдын ала тизмеде 2 миллион 914 миң 588 жаран бар. Бул тизме 15-августта шайлоо участкаларына илинет.
Мыйзам боюнча тизмеге жашы 18ге толгон, шайлоо укугу чектелбеген жана биометрикалык каттоодон өткөн жарандар кире алат.
