Мамлекеттик салык кызматы билдиргендей, жасалма акцизделген товарларды аныктоо боюнча өткөн эки күндүк рейддин жүрүшүндө башкалаадагы гипермаркеттерден 76 миң сомдук 400дөн ашык бөтөлкө арак алынды.
“Орто-Сай” базарындагы “Ярмарка-3” дүкөнүнөн 52, Лев Толстой көчөсүндөгү “Боорсок” гипермаркетинен 21, Матросов көчөсүндөгү “Глобустан” 120, Медеров көчөсүндөгү “Бишкек оптомаркеттен” 152, Анкара көчөсүндөгү “Фрунзе” гипермаркетинен 62 бөтөлкө спирт ичимдигине жасалма акциздик марка чапталган болушу мүмкүн деп шектелип жатат.
