Линктер

ишемби, 16-декабрь, 2017 Бишкек убактысы 01:57

Бишкектин Свердлов райондук соту 5-октябрда президенттикке талапкер Сооронбай Жээнбековдун 24.kg маалымат агенттиги менен журналист Кабай Карабековго каршы жазган арызын карап, алардын ар бирин беш миллион сомдон айыпка жыкты.

11-сентябрда 24.kg сайтында Кабай Карабековдун "Сочиге сапар. Кремлге мураскердин артыкчылыгын кайра түшүндүрүп жатышат" деген аталыш менен макаласы чыккан. Анда “президенттердин жабык жолугушуусунда Москва кыргыз тарапка эки өлкөнүн атайын кызматтарынын бир тууган Жээнбековдордун радикал араб уюмдары, анын ичинде Орусияда террордук деп табылган "Социалдык реформалар коому" менен тыгыз байланышы тууралуу маалыматына тынчсызданарын кыйытты" деп жазылган.

Жээнбековдун шайлоо штабы макаланы "ушак жана жалган жалаа" деп сотко кайрылган, моралдык зыян катары макаланын автору Кабай Карабеков менен 24.kg агенттигинин ар биринен беш миллион сомдон өндүрүүнү талап кылган.

Макала Жээнбековдун БШКдагы ыйгарым укуктуу өкүлүнүн талабы менен 24.kg сайтынан алынган. (ZKo)

Сиздин пикир

пикирлерди көрсөт

XS
SM
MD
LG