Нобель сыйлыгынын лауреаттары жарыяланууда. Бүгүн адабият боюнча сыйлыкка теги жапон британ жазуучусу Казцуо Исигуро татыктуу болду.
4-октябрда химия боюнча Нобель сыйлыгы үч илимпозго ыйгарылган. Швейцариялык Жак Дюбоше, америкалык Йоахим Франк жана британиялык Ричард Хендерсен сыйлыкты адамдын клеткасындагы биологиялык процессти иликтөө жаатындагы эмгеги үчүн алышты.
6-октябрда Нобелдин Тынчтык сыйлыгынын жеңүүчүсү аныкталат. Нобель сыйлыгы дүйнөлүк өнүгүүгө салым кошкон инсандарга 1901-жылдан бери тапшырылып келатат.
