Улуттук банк дагы интервенция жүргүздү. Мекеменин расмий сайтына 16-ноябрда 450 миң доллар сатылганы тууралуу кабар чыкты.
Бул ноябрь айындагы алтынчы интервенция. Ошентип, жалпысынан бул айда Улуттук банк 32 миллион доллар сатты.
Улуттук банктын курсу боюнча бүгүн 1 АКШ доллары 69 сом 75 тыйын турат.
2015-жылы ноябрда доллар Кыргызстанда эң кымбат чекке жетип, 75 сомго барган. Кийин арзандап отуруп быйыл апрелде 67 сомго чейин төмөндөгөн, июндун аягынан тарта кайра кымбаттай баштаган. (RK)
