Британияда ханзада Гарри менен америкалык актриса Меган Маркл баш кошуу ниетин жарыялашты.
Бул маалыматты Гарринин атасы, тактынын мураскери ханзада Чарлз бышыктады. Үйлөнүү үлпөтү эмки жылдын жазында болмокчу.
Гарри 33 жашта, Маркл 36да. Расмий маалыматка караганда, ханзада чоң энеси, каныша Елизаветаны жана үй-бүлөсүнүн башка мүчөлөрүн чечими жөнүндө кабардар кылды. Марклдын ата-энеси да расмий макулдугун берди.
