Линктер

жума, 19-октябрь, 2018 Бишкек убактысы 08:38

Чоң-Алайга 11 мобилдик үй жеткирилди


Мобилдик үйлөрдү жеткирүү.

Чоң-Алай районунда жер титирөөдөн турак жайлары жабыркаган үй-бүлөлөрдү кыш мезгилинде убактылуу турак-жай менен камсыз кылуу максатында беш күндүн ичинде 11 мобилдик үй берилди.

Алар Жекенди айыл аймагынын Шибе айылына жеткирилип берилди. Бул тууралуу Өзгөчө кырдаалдар министрлигинин маалымат кызматы кабарлады.

Быйыл 3-5-май күндөрү күчү дээрлик алты баллга жеткен эки жер титирөөдө Жекенди айыл өкмөтүндөгү беш айылда 630 үйгө зыян келген. Алардын ээлери үйлөрүн кышка чейин куруп бүтө албай, айрымдары суук түшкөнүнө карабай чатырларда баш калкалап жатканы кабарланган.

Министрлик май айынан бери жабыр тарткандарга 4281 тонна цемент, 374 миң даана кыш жеткирип берген. Мындан тышкары, жер титирөөдөн жабыркаган элге жардам берүү максатында ачылган эсепке 26 млн. 230 миң 176 сом 38 тыйын түшүп, анын ичинен 24 миллиону жергиликтүү бийлик тарабынан элге таратылып берилген. (ErN)

Сиздин пикир

пикирлерди көрсөт

XS
SM
MD
LG