Бүгүн Бишкек шаардык кеңеши кезексиз жыйынга чогулуп, коалициялык көпчүлүк түзүү маселесин карайт. Шаардык кеңештин басма сөз кызматы кабарлагандай, ушул күнү жаңы төрага шайланары күтүлүүдө.
Алдын-ала маалыматтарга караганда, коалицияга "Республика-Ата-Журттан" башка бардык фракциялар кирет. Ноябрдын этегинде КСДП фракциясы коалициянын форматын өзгөртүү максатында анын курамынан чыгып, “Республика – Ата-Журт” оппозицияда калууну чечкен.
45 депутаттан турган Бишкек шаардык кеңешинде беш фракция бар. КСДПга 13, "Республика-Ата Журтка" 12, "Өнүгүү-Прогресске" сегиз, "Мекеним Кыргызстанга" жети, "Кыргызстан" фракциясына беш мандат берилген.
Бишкек шаардык кеңешин шайлоо 2016-жылдын 11-декабрында өткөн. Мурдагы көпчүлүк коалиция КСДП, “Республика - Ата Журт” жана “Кыргызстан” фракцияларынан түзүлгөн. (КЕ)
