Орусиянын Маданият министрлиги өлкөдөгү кинотеатрларга “Сталиндин өлүмү” деген фильмди көрсөтпөө тууралуу эскертүү берди. 25-январда башкалаадагы "Пионер" кинотеатры өкмөттүн тыюусуна карабай британиялык режиссердун комедиясын көргөзгөн.
Лицензиясы жок тасманы көрсөтүү үчүн 100 миң рубль же бир миң 800 доллар айыппул салынышы мүмкүн. Экинчи эскертүү бузулса, кинотеатрды жабууга чейин жаза каралган.
23-январда министрлик шотландиялык режиссер Армандо Иануччинин комедиясын көргөзүүгө берген уруксатын кайра чакыртып алган. Бир катар белгилүү ишмерлер, анын ичинде режиссер Никита Михалков фильмди көргөзбөөнү өтүнгөн кайрылууга кол коюшкан.
Бет ачары былтыр күздө Лондондо өткөн сатирикалык тасмада 1953-жылы Сталиндин өлүмүнөн кийин СССРде болгон окуялар, бийлик талашуу баяндалган.
