Бул тууралуу Бишкек шаардык мэриясынын басма сөз кызматы маалымдады. Жарандык активисттер сунуштаган “Bishkek 312” мобилдик тиркемеси шаардыктардын ар кандай көйгөйүн мэрия структураларына ыкчам жеткирүүгө жардам берет.
Учурда мобилдик тиркеме сыноо режиминде иштеп жатат. Жакынкы күндөрү толук кандуу ишке кирет.
Акыркы жылдары шаар бийлигине таштанды, суу, жол маселеси боюнча жарандардын сын пикири күч. Жарандык активисттер мэрияга арыздануунун оңой жолу жок экенин айтып келишет. (TSh)