Бишкекте Кыргызстан менен Түркиянын ишкерлеринин форуму өтүүдө.
16-мартта Кыргызстанга Түркиянын Мерсин, Анталия шаарларынын Соода палатасынын өкүлдөрү, отузга чукул ишкер келди. Алар Кыргызстанга айыл чарба, курулуш, туризм жана башка тармактарга инвестиция алып келүүгө кызыкдар экенин айтууда.
Бизнесмендер менен алгач Түркиянын Кыргызстандагы элчиси Женгиз Камил Фырат жолугуп, Кыргызстандын соода-экономикалык мүмкүнчүлүктөрү тууралуу айтып берди.
Андан соң делегация Соода-өндүрүш палатасынын өкүлдөрү менен жолугушту. Туризм, экономика министрликтери менен ишкерлик жаатында жолугушуулар өтүүдө. (BСh)
