Линктер

ЧУКУЛ КАБАР!
25-Февраль, 2021 бейшемби, Бишкек убактысы 05:45

КСДП фракциясы премьер-министрликке Абылгазиевдин талапкерлигин көрсөттү


Мухаммедкалый Абылгазиев.

Жогорку Кеңештеги КСДП фракциясы премьер-министрликке Мухаммедкалый Абылгазиевдин талапкерлигин көрсөттү. Бул тууралуу фракция мүчөсү, депутат Аида Касымалиева “Твиттердеги” баракчасына жазды.

Социал-демократтар Абылгазиевдин талапкерлигин жактырганын Жогорку Кеңештин басма сөз катчысы Ибраим Нуракун уулу да ырастады.

Бүгүн Жогорку Кеңеш көпчүлүк добуш менен өкмөткө ишенбестик көрсөтүү жөнүндө парламенттеги азчылыктын сунушун колдоду. Ага 102 депутат “макул”, төртөө “каршы” добуш беришти.

Өкмөттү кызматтан кетирүү жөнүндө жарлыкка президент Сооронбай Жээнбеков бүгүн кол койду. Мындан соң парламенттеги көпчүлүк коалицияга “Республика – Ата Журт” фракциясы кошулду.

Эртең, 20-апрелде Жогорку Кеңеш кезексиз жыйынга чогулуп, жаңы өкмөт шайлай турганы кабарланып жаткан. Ушул эле күнү коалициялык көпчүлүк премьер-министрдин кызматына талапкерди карай турганы буга чейин маалымдалган. Негизиги талапкер катары президенттик аппараттын башчысы Мухаммедкалый Абылгазиевдин аты аталып жаткан.

Мухаммедкалый Абылгазиев учурда президенттик аппараттын башчысы милдетин аркалайт. (ErN)

Пикирлерди көрүңүз (42)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG