Линктер

ЧУКУЛ КАБАР!
23-Июль, 2024-жыл, шейшемби, Бишкек убактысы 21:24

Арменияда камалган митингчилердин саны 120га жетти


Оппозиция лидери Никол Пашинян.
Оппозиция лидери Никол Пашинян.

Арменияда мурдагы президент Серж Саргсяндын өкмөт башчы болуп кайтып келишине каршы нааразылык акциялары уланууда.

Бир жумадан бери полиция кармап кеткен демонстранттардын саны 120га жетти.

Өлкө президенти Армен Саркисян кечээ оппозицияны диалогго чакырып, «Жалгыз гана жол бар. Бул - диалог жана бири-бирибизди урматтоо” деп билдирди.

Ал арада оппозициянын лидери, өлкө парламентинин мүчөсү Никол Пашинян кечээ кечинде Ереванда чогулган митингчилердин саны 10 миңге чукулдаганын айтып, каршылык акцияларын жума күнү да улантууга чакырды.

Серж Саргсян 9-апрелде президенттиктен кетип, 17-апрелде премьер-министрликке шайланган. 2015-жылы Конституция өзгөртүлүп, премьердин бийлиги күчөтүлүп жатканда ал бул кызматка келбесин айткан болчу. (RK)

XS
SM
MD
LG