Линктер

шейшемби, 11-декабрь, 2018 Бишкек убактысы 06:42

Аутизм боюнча америкалык адис Бишкекте семинар өтүп жатат


Елена Геонис жана кыргызстандык ата-энелер.

АКШдан келген адис Елена Геонис Бишкекте аутизм боюнча семинар өтүп жатат. Ал аутист баласы бар ата-энелерге жана адистерге билгендерин үйрөтүүдө.

7-июнда башталган семинарлардын алгачкысы “Оберег” реабилитациялык борборунда болду. Андан соң Ишеналы Арабаев атындагы педагогикалык институтта окутуучулар менен адистерге лекция өткөрүлдү.

9-10-июнь күндөрү Геонис Бишкектеги ата-энелер менен жолугуп, аларга аутист балдардын кулк-мүнөзүнө байланыштуу тренинг өттү.

Елена Геонис Кыргызстанга Европа Биримдигинин долбоорунун чакыруусу менен келген.

Кыргызстанда аутизм менен жабыркагандардын расмий эсеби жок. Бейөкмөт уюмдардын маалыматы боюнча, миңге чукул бала ушундай илдет менен каттоодо турат. Расмий клиникалык аныктоо тартиби жок болгондуктан аутизм менен жабыркагандар психикалык майыптардын тобуна кирет. (BCh)

XS
SM
MD
LG