Буга чейин Казакстанда тыюу салынган “Казакстандын демократиялык тандоосу” уюму 23-июнда тарапкерлерин “акысыз билим алуу” деген талап менен митингге чыгууга үндөгөн. Уюмду учурда чет өлкөдө жашырынып жүргөн оппозициячыл саясатчы Мухтар Аблязов түзгөн.
“Азаттыктын” казак кызматы кабарлагандай, кармалгандар ураан чакырып же талаптарды койгон эмес. Учурда шаардын борборунда көп сандаган полициячы, анын ичинде атайын багыттагы аскерлер жүргөнү кабарланды.
