Чүй облусунун Полтавка айылында BMW жана "Тойота Ист" үлгүсүндөгү унаалар кагылышып, жаш жубайлар жана алардын эки жаштагы баласы каза тапты. Бул тууралуу Чүй облустук жол кыймылынын коопсуздугун камсыздоо башкармалыгынын басма сөз кызматы кабарлады.
Кырсык бүгүн, 31-июлда саат 8:00 чамасында болгон. "Тойота Истти" аял айдап бараткан, жанында жолдошу менен баласы болгон. BMW унааны капталынан сүзгөн. Натыйжада айдоочу аял менен анын жолдошу окуя болгон жерде мүрт кеткен. Жабыркаган бала ооруканада каза болду. BMWнын 25 жаштагы айдоочусу учурда ооруканада.
Кырсыктын себептери изилденип жатат. (КЕ)
