Улуттук банк Ысык-Көлдөгү “Ишкер” микрокредиттик агенттигине берилген күбөлүктү 23-августтан тартып токтотот.
Банктан алынган маалыматка ылайык, агенттик Улуттук банк берген буйруктарды аткарбай, текшерүү иштерине каршылык көрсөткөн. Буга байланыштуу банк 2003-жылы берилген күбөлүктү жараксыз деп табуу тууралуу чечим кабыл алган.
Кыргызстанда 96 микрокредиттик ишкана Улуттук банктан каттоодон өткөн. Алар жарандарга насыя берүү жаатында иш алпарат. (BkA)
