Линктер

шаршемби, 19-сентябрь, 2018 Бишкек убактысы 14:49

Кыргызстандагы алгачкы хирург аял Какиш Рыскулова дүйнөдөн кайтты


Какиш Рыскулова. Kgma.kg сайтынын сүрөтү.

Кыргызстанда алгачкы хирург аял, Кыргызстандын медицинасына эмгек сиңирген дарыгер Какиш Рыскулова көз жумду. Рыскулованы акыркы сапарга узатуу зыйнаты 28-августта саат 10:00дө Кыргыз улуттук академиялык драма театрында болоорун Кыргыз мамлекеттик медициналык академиясы маалымдады.

Эмгек сиңирген дарыгер, медицина илимдеринин доктору Какиш Рыскулова 1918-жылы 15-октябрда Кант шаарынын Четинди айылында төрөлгөн. Ал атасынан эрте ажырап, коомдук ишмер Ишеналы Арабаевдин колунда тарбияланган. Рыскулова 1944-жылы Кыргыз мамлекеттик медициналык институтун аяктаган. Ал узак жылдар бою медицина тармагында үзүрлүү эмгектенген. Ошондой эле коомдук-саясий иштерге жигердүү аралашып, үч жолу Кыргыз ССРнин Жогорку Советине депутат болуп шайланган. (TSh)

Сиздин пикир

пикирлерди көрсөт

XS
SM
MD
LG