Бүгүн, 30-августта Эгемендүүлүк күнүнө карата көкбөрү боюнча президенттик кубоктун финалдык оюндары болот. Анда үчүнчү орун үчүн “Сары-Өзөн Рассвет” менен “Шыралжын” командалары ойнойт.
Ал эми биринчи орунга Ысык-Көлдүн “Толкун” жана Талас облусунун “Бакубат-Талас” командалары ат салышат. Үчүнчү орун үчүн мелдештер түшкү саат 13:30да башталса, финалдык оюн 15:00дө болот. Оюндун жүрүшү "Азаттыктын" сайтында жана социалдык тармактардагы баракчаларында түз көрсөтүлөт.
Оюндар Бишкектеги "Ак-Кула" ат майданында өтөт. Көкбөрү оюндарына чейин ипподромдо ат чабыштын түрлөрү боюнча жарыштар болмокчу. (SDz)
