Линктер

шаршемби, 14-ноябрь, 2018 Бишкек убактысы 23:23

Жамангулов: Көчмөндөр оюндары учурунда 60 миңден ашуун чет элдик турист келди


Үчүнчү Дүйнөлүк көчмөндөр оюндарынын ачылышы. 2-сентябрь, 2018-жыл.

III Дүйнөлүк көчмөндөр оюндарын көрүүгө Кыргызстанга 60-70 миңдей чет элдик туристтер келди. Бул 2016-жылдагы оюндардан эки-үч эсе көп. Бул тууралуу Туризм департаментинин башчысы Азамат Жамангулов “Азаттык” радиосуна билдирди.

- Көчмөндөр оюндарынын Кырчын жайлоосундагы ачылышына 2016-жылы 30 миңге жакын адам келген. Быйыл бир күндө, ачылышына эле 150 миңдей адам келди. 2016-жылы Көчмөндөр оюндары учурунда 15-20 миңдей чет элдик жарандар турист катары келген. Быйыл болжол менен 60-70 миңге жакын деп эсептеп жатабыз.

2-сентябрда Ысык-Көлдүн Чолпон-Ата шаарында башталган III Дүйнөлүк Көчмөндөр оюндары бүгүн, 8-сентябрда аяктайт. Аземдин жабылышына премьер-министр Мухаммедкалай Абылгазиев катышары күтүлүүдө. Бул күнү 2020-жылы Көчмөндөр оюндарын өткөрүү миссиясы тапшырылган Түркияга эстафета катары мөңгүнүн суусу тапшырылат.

Жабылыш аземи чет элдик ырчылардын катышуусундагы концерттик программа менен коштолот. (КЕ)

Сиздин пикир

пикирлерди көрсөт

XS
SM
MD
LG