Линктер

ЧУКУЛ КАБАР!
4-Март, 2021 бейшемби, Бишкек убактысы 20:11

Трамп: Путиндин киши өлтүрүүлөргө тиешеси болушу "мүмкүн"


Дональд Трамп. 10-октябрь, 2018-жыл.

АКШ президенти бул тууралуу америкалык СBS телеканалы менен болгон маегинде айтты.

Алып баруучу "Путин өзүн сындагандардын киши колдуу болушуна катышы бар" деген пикирге Трамп макул же макул эмес экенин сураганда, ал “ооба, балким, балким” деп жооп берди.

АКШнын президенти мында Путинди сындап жүрүп ууландыруу аркылуу же башка шектүү жагдайларда мерт болгон адамдардын кимисинин өлүмүнө орус президентинин "балким" тиешеси бар деп эсептегени белгисиз.

Путиндин киши колдуу болгон таанымал сынчылары арасында 2006-жылы атылган журналист Анна Политковская, 2015-жылы атылган саясатчы Борис Немцов да бар.

Кремль алардын өлүмүнө тиешеси бар экенин такай четке кагып келет.

СBS телеканалынын журналисти АКШнын саясий системасына Орусиянын кийлигишүүсү тууралуу Трамптан кайрадан сураганда, ал буга макул болду, бирок Кытай да кийлигишкенин кошумчалады.

АКШда 2016-жылдагы президенттик шайлоого Орусиянын кийлигишүүсү боюнча атайын прокурор Роберт Мюллердин иликтөөсү али уланууда. (UE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG