Линктер

ЧУКУЛ КАБАР!
1-Март, 2021 дүйшөмбү, Бишкек убактысы 01:40

Милиция зомбулукка кабылгандарга туура мамиле кылууну үйрөнүүдө


Иллюстрациялык сүрөт.

Милиция кызматкерлери зомбулукка кабылган аялдар жана өспүрүмдөр менен иштөөнүн эл аралык стандарттарын үйрөнүп жатышат. Бул тууралуу Ички иштер министрлиги кабарлады.

Мекеменин маалыматына караганда, эл аралык уюмдардын жардамы менен атайын колдонмо иштелип чыккан. Анда зомбулуктун курмандыгы болгондорго туура мамиле кылуунун жана кылмыштардын бетин ачуунун жол-жобосу жазылган. Зордуктоо боюнча соттук-медициналык, соттук-биологиялык жана соттук-психологиялык экспертиза жүргүзүүнүн ыкмалары келтирилген.

Колдонмо кыргыз жана орус тилдеринде 2 миң нуска болуп таратылат. Учурда Бишкек, Чүй, Нарын, Талас жана Ысык-Көл облустарынын 27 тергөөчүсү атайын окуудан өтүп жатат.

2019-жылдын 1-январынан баштап Кыргызстанда Кылмыш-жаза кодексинин жаңы варианты иштей баштайт. Анда милиция органдарынын кызматына байланыштуу бир катар жаңы нормалар бар. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG